Unang Novena Ni Sto. Tomas Karong Sabado, Julyo 13
Tue, July 9, 2002 11:39 pm
Gidapit ang tanang taga Danao (apil taga Compostela hangtod Bogo) nga nanimuyo sa Southern California sa pag-tambong sa santos nga misa ug pagsabat sa novena sa atong patron Señor Santo Tomas de Villanueva.
Ang unang adlaw sa novena himoon karong sunod Sabado, Julyo 13, 2002 alas 5 sa hapon sa panimalay ni Cecilia Barriga, 8427 Etiwanda Ave., Northridge, CA 91325. Tel. 818-882-2168.
Dili kini potluck, busa ayaw hasola inyong kaugalingon sa pagluto o palit ug makaon. (Si Celia misaad mag-tumba ug kabaw.)
Hinoon, giawhag ang tanan nga imbis magdala ug pagkaon, hinaot magdala ug mga bitamina o mga tambal sa ubo, sip-on, kagid o korikong, kabahong, hilanat ug trankaso (most prevalent diseases treated at the Medical Mission).
(Pasimangno ni Dr. Loretta Montesclaros: Please, ayaw pagdala ug Viagra! Sa miaging tuig may tigulang babaye (taga Amoy) nangaway sa mga volunteers, ngano iyang bana gihatagan ug Viagra.
Sa asoy pa ni Nang Sebya, si Noy Paladio diay, didto pahulay iya Inday silingan, human tomar Viagra.)
Mapasalamaton kaayong ang mga pobreng kagisoonang taga Danao ug mga silingang lungsod sa ilang nadawat nga daghang Vitamins nga inyong gipadala sa miaging tuig.
Comments
Got something to say?
You must be logged in to post a comment.