Ang Reunion Sa Class 1949-1950
Fri, July 5, 2002 11:41 am
[Note: Originally posted on Kaming Danawanon, Vol VI, No. 2 May-Jul 2000.]( Danao Central School Upland) Ni Kagawad Lyds RobleKasagaran sa reunion nga gihimo sa Danao o sa ubang dapit sa Pilipinas mao ang reunion sa mga kadugo sama sa Enriquez, Batucan, Ypil ug Pasaol reunion. Aduna usay reunion sa mga graduado kanhi sa College ug High School.Apan ang reunion sa Class 194-1950 lahi sanglit reunion sa mga mitapos sa ika-unom nga ang-ang sa elementarya kon Grade VI, sa Danao Central School sa Upland nga sakop sa Poblacion sa Dakbayan sa Danao. Guisugdan kini kaniacitong 1983 ug kaluoy sa Dios karong tuiga maghugop na usab pagbalik ang mga sakop sanglit tangkod gayud nga ika-kalim-an na ka tuig sukad sa ilang pagtapos. Ambot, ug duna bay sama niini sa tibuok nasud.Apan taym sa. Diin ba magsugod kining maong ideya?Unsa bay mga mabug-at nga katarungan nga hangtud karon nagsigi pa man ang reunion bisan ug nangumyot na ang dagway sa mga sakop?Wala na mahinumdom ang tagsulat sanglit edad-edaran na usab ug unsa kadtong tuiga nga nagkasakay sila Si Mons. Pas Ypil ug nahi-agi sa Upland.Misantop sa hunahuna sa Monsenyor nga di ba kaha kuno maayo nga mag-reunion kay anaa pa kuno siyay retrato sa among pag-graduar.Ug tuod man pinaagi sa maong retrato nakita sa pipila ka kauban ang mga dagway nga hilabihan ka mga bata pa ug busa maoy nakapasibot sa maong pundok kon ‘core group’ sa paghimo sa unang miting alang sa maong kalihokan.Pinaagi sa official list of graduates sa Danao Central School pahibaw-an kon kinsa kadtong tanan nga anaa sa hulagway nga sakop sa Class 1949-1950.Guisugdan ang unang tigum didto sa balay ni Alice Monsanto (Alice Banzon kanhi) ug tuod man nag-abot ang pipila ka mga kauban sa Class 1949-1950.Human niadto nagsunod-sunod ang mga miting hangtud natawo gayud ang unang reunion didto gayud sa Upland.Diii tiaw ang kamaya sa okasyon. Nagkadaiya ang pagbati sa tanan. Daghan ang wala na magka-ilhanay.Kinsa kaba kadto? Di ba Si kuan ka man? Unsa ka ba kadtong seksiyona? Di ba kauban man ta kanunay sa ilalom sa mangga?Uy si kuan di ba nangulitawo man to kang kuan?Mga pangutana nga sabog nga matubag lamang kon magkakita personal. Kay kinsa bay diii malimot sa kadugay na sa panahon.Apan ang tinuod medyo guilumot na ang panumduman sa kadaghanan.Klarex kaayo ang mga dagway nga dinagmalan sa katuigan.Anaa na ang mga puti nga buhok, lawom na kaayo ang mga sapa-sapa sa agtang, namitay na ang mga panit ug ang uban magduka-dukag na ang linaktan.Pagkadugay na diay niadtong panahona. Apan mora baya ug kagahapon pa lang.Kay kon makakita ta sa atong dagway sa graduation, medyo mobalik sab ang kabatan-on sa atong panumdoman.Ug mobati ka ug kahayahay ug kaalegre kay mohinay-hinay pagpamalik ang esena sa atong kabatan-on ug ang atong mga nahimo nga maoy makahatag nato ug kalig-on pagpadayon gihapon sa unahan.Reunion sa Class 1949-1950. The one and only. Guikasabutan nga ipadayon ang reunion. Gani maayo nga isub-sub sanglit mga edaran na.Mga kauban, ato kining ipadayon hangtud nga duruha na lang ang mag-abot. Hala, kinsa kaha na sila no?
Comments
Got something to say?
You must be logged in to post a comment.